جان پچھان

۳۰ مئی ۱۹۷۵ دی اک شام نوں پنجاب بھر دے معروف ادیباں، شاعراں، تے دانشوراں دا اِک اکٹھ ہوہا۔ جیہدے وچ پاکستان پنجابی ادبی بورڈ دا قیام عمل وچ لیایا گیا۔ ایس پہلے اجلاس وچ بورڈ دا دستور منظور کیتا گیا۔ ایہ وی فیصلہ کیتا گیا کہ ایہدے وچ وادھا گھاٹا بورڈ دے جنرل باڈی دے اجلاس وچ ہی ہو سکے گا۔

اغراض و مقاصد

۱۔ پنجابی زبان تے ادب دی ترقی تے وادھے لئی ہر ممکن کوشش کرنا
۲۔ کلاسیکی ادب دی اشاعت
۳۔ دوجیاں زباناں دے معیاری ادب دا پنجابی زبان وچ ترجمہ
۴۔ پنجابی ڈکشنری دی چھپائی
۵۔ پنجاب دی تاریخ نوں سودھنا تے اوہدے اُتے کتاباں لکھوانا
۶۔ پنجاب دے بزرگ صوفی شاعراں دے پیغام تے تعلیمات نوں عام کرنا تے اوہناں دے دن مناونا

بورڈ دا ڈھانچہ

بورڈ دے ۱۱ پکے ممبر نیں۔ ایہدے توں وکھ بورڈ دے ہر دو ورھے مڑ چون ہندے نیں جنہاں وچ ۲۱ نویں ممبر چنے جاندے نیں۔